Saninten buah saninten,
saninten diparapatan
hapunten abdi hapunten hapunten
tina sagala kalepatan.
Ulah sok ngabotol limu,
hayang mah cicikeun wae
Ulah sok getol ngalamun,
hayang mah kawinkeun wae.
Tipeuting ngaji imriti,
tibeurang ngaji yaqulu
tipeuting ka impi-impi,
tibeurang asa mimilu.
Aya meuri dina rakit,
boboko wadah bakatul
lain nyeri ku panyakit,
kabogoh direbut batur.
Boboko ragrag ti imah
ninggang kana pileuitan
ulah sok bogoh ka semah,
ari balik sok leungiteun.
Parentul iwung paragpag nangka,
aya benyeur tapianeun
parentul irung paragpag mata,
mawa beuteung eusianeun.
Manuk ciung na pisitan,
rambutan aratah keneh
dicium ku nu kumisan,
sabulan karasa keneh.
Cikur liung jahe koneng,
lampuyang pamura beuteung
indung jangkung tua koneng,
anakna burayut beuteung.
Ketuk Tilu kendang dua,
erloji diputer deui
huntu tilu kari dua,
nu hiji geus ungger deui.
Tidak ada komentar:
Posting Komentar